Այսօր Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի ծննդյան տարեդարձն է: 

Ուստի որդիական խոնարհությամբ և սրտանց ջերմորեն շնորհավորում ենք Վեհափառ Հայրապետին` մաղթելով քաջառողջ կյանքի բազում արևշատ օրեր և անսասան հովվապետական գավազան, որպեսզի Տիրոջով զորացած և մեր լուսավոր Հայրերի ուղղափառ հավատքով գոտեպնդված` օր առաջ կարողանա իրականանացնել Իր եկեղեցաշեն և ազգանվեր բոլոր երազներն ու ծրագրերը` ի պայծառություն Հայոց Եկեղեցու, ի բարօրություն մեր Հայրենիքի և ի մխիթարություն ազգիս հայոց: